Jurnalist va biograf, Lionel Messi futbolchining kelajagi haqida o‘z fikrlari bilan o‘rtoqlashdi.

35 yoshli hujumchi hali ham parijliklar bilan yangi shartnoma borasida kelishib olgani yo‘q, amaldagi shartnomasi esa iyun oyida tugaydi. "Barselona" o‘z afsonasining qaytishini rasmiylashtirmoqchi va Messining o‘zi, so‘nggi haftalarda qayta-qayta xabar qilinganidek, bunday transferga tayyor.

Yulduzli forvardning tarjimai holini yozgan jurnalist Floran Torshu biroz boshqacha ma’lumot bilan o‘rtoqlashdi: "Leo tez orada 36 yoshga to‘ladi, ammo u Chempionlar ligasida yana g‘alaba qozonish va raqobatbardosh jamoada o‘ynashni orzu qilishda davom etmoqda. Uning birinchi tanlovi "PSJ" bo‘lib qolaveradi, agar muzokaralar muvaffaqiyatsizlikka uchrasa, "Barselona" va Xavi maydonga tushadi", - dedi Torshu ijtimoiy tarmoqlarda.