Madridning “Real” klubi bosh murabbiyi Karlo Anchelotti braziliyalik hujumchi Vinisius Juniordan mamnun emasligini aytdi. Italiyalikka hujumchining ko‘p sariq kartochka olishi yoqmaydi.

"Vinisiusda o‘z pozisiyasidagi futbolchi uchun juda ko‘p sariq kartochka bor. Biz u bilan bu borada bir necha bor muloqot qilganmiz”, - deydi Anchelotti.

Eslatib o‘tamiz, Vinisius joriy mavsumda 14 ta sariq kartochka olgan.

Ispaniya chempionatining joriy mavsumida Vini 29 ta o‘yin o‘tkazib, o‘nta gol va sakkizta golli uzatmani amalga oshirgan.