"Liverpul" "Bavariya" yarim himoyachisi Rayan Gravenberxning agentlari bilan bog‘landi. Jurnalist Fabrisio Romanoning xabar berishicha, mersisaydliklar jamoasi niderlandiyalik yarim himoyachiga qiziqishda davom etmoqda.

Hozircha muammo "Bavariya"ning pozisiyasi bo‘lib, u 20 yoshli futbolchining daxlsizligini ta’kidlaydi. Biroq Gravenberxning o‘zi Myunxenni tark etmoqchi, chunki u kerakli miqdordagi o‘yin amaliyotini olmayapti. Rayan bu mavsumda Bundesliganing faqat bir uchrashuvida asosiy tarkibda o‘yinni boshladi.

Gravenberx "Bavariya"dagi debyut mavsumini o‘tkazmoqda. U o‘tgan yozda "Ayaks"dan sotib olingan edi. Niderlandiyalik futbolchida bir yil avval "Manchester Yunayted"ga o‘tish varianti ham bor edi, ammo futbolchi "Bavariya"ni tanlashga qaror qildi.