"Ливерпуль" "Бавария" ярим ҳимоячиси Райан Гравенберхнинг агентлари билан боғланди. Журналист Фабрицио Романонинг хабар беришича, мерсисайдликлар жамоаси нидерландиялик ярим ҳимоячига қизиқишда давом этмоқда.
Ҳозирча муаммо "Бавария"нинг позицияси бўлиб, у 20 ёшли футболчининг дахлсизлигини таъкидлайди. Бироқ Гравенберхнинг ўзи Мюнхенни тарк этмоқчи, чунки у керакли миқдордаги ўйин амалиётини олмаяпти. Райан бу мавсумда Бундеслиганинг фақат бир учрашувида асосий таркибда ўйинни бошлади.
Гравенберх "Бавария"даги дебют мавсумини ўтказмоқда. У ўтган ёзда "Аякс"дан сотиб олинган эди. Нидерландиялик футболчида бир йил аввал "Манчестер Юнайтед"га ўтиш варианти ҳам бор эди, аммо футболчи "Бавария"ни танлашга қарор қилди.
