Madridning “Real” klubi Ispaniya chempionatining navbatdagi turida “Almeriya”ga qarshi o‘yinda uch nafar futbolchisining xizmatlariga tayana olmaydi. Karlo Anchelotti jamoasiga yarim himoyachilar Marko Asensio va Luka Modrich, shuningdek, asosiy darvozabon Tibo Kurtua yordam bermaydi.
Jurnalist Xose Luis Sanchesning xabar berishicha, sanab o‘tilgan futbolchilarning barchasi jarohatlari sabab bugungi mashg‘ulotlarni o‘tkazib yuborishgan.
Modrich bugun ko‘rikdan o‘tadi va jarohati qanchalik og‘irligini aniqlaydi. Murabbiylar shtabi taxminiga ko‘ra, futbolchi Qirol kubogi finaliga qadar safga qaytishi kerak. Kurtua va Asensio esa yengil shikastlangan.
