Мадриднинг “Реал” клуби Испания чемпионатининг навбатдаги турида “Альмерия”га қарши ўйинда уч нафар футболчисининг хизматларига таяна олмайди. Карло Анчелотти жамоасига ярим ҳимоячилар Марко Асенсио ва Лука Модрич, шунингдек, асосий дарвозабон Тибо Куртуа ёрдам бермайди.
Журналист Хосе Луис Санчеснинг хабар беришича, санаб ўтилган футболчиларнинг барчаси жароҳатлари сабаб бугунги машғулотларни ўтказиб юборишган.
Модрич бугун кўрикдан ўтади ва жароҳати қанчалик оғирлигини аниқлайди. Мураббийлар штаби тахминига кўра, футболчи Қирол кубоги финалига қадар сафга қайтиши керак. Куртуа ва Асенсио эса енгил шикастланган.
