"Barselona" qanot hujumchisi Rafinya jamoani tark etishi mumkin, deb xabar beradi Mundo Deportivo.

Manbaga ko‘ra, 26 yoshli braziliyalik futbolchi "Barselona"da hujumning chap tomonida o‘ynaganidan norozi, chunki u o‘ngda o‘ynashni afzal ko‘radi, ammo bu zonadagi o‘rinni Usmon Dembele egallab turibdi. Rafinya xizmatlariga "Nyukasl" qiziqish bildirmoqda.

Rafinya o‘tgan yozdan beri kataloniyaliklar safida to‘p surmoqda. Joriy mavsumda u barcha turnirlarda 43 ta o‘yinda maydonga tushib, 9 ta gol urdi va 10 ta golli uzatmani amalga oshirdi.