"Барселона" қанот ҳужумчиси Рафинья жамоани тарк этиши мумкин, деб хабар беради Mundo Deportivo.
Манбага кўра, 26 ёшли бразилиялик футболчи "Барселона"да ҳужумнинг чап томонида ўйнаганидан норози, чунки у ўнгда ўйнашни афзал кўради, аммо бу зонадаги ўринни Усмон Дембеле эгаллаб турибди. Рафинья хизматларига "Ньюкасл" қизиқиш билдирмоқда.
Рафинья ўтган ёздан бери каталонияликлар сафида тўп сурмоқда. Жорий мавсумда у барча турнирларда 43 та ўйинда майдонга тушиб, 9 та гол урди ва 10 та голли узатмани амалга оширди.
