De Bryuyne va Messining dunyodagi eng yaxshi pleymeyker ekanligiga shubha yo‘q. Ammo ularning qay biri mavsumni yaxshiroq sur’atda o‘tkazmoqda? Mana shu muhim savoldir. Ushbu futbolchilarning har ikkisi Yevropada eng ko‘p assist qayd etgan. Buning hayratlanarli joyi yo‘q. Jumladan, Argentina bilan Qatardan mundial g‘olibi bo‘lib qaytgan Messi, "PSJ" safida ham omadli o‘yinlarini davom ettirdi. Messi uchun o‘tgan mavsum og‘ir kelgandi. Ammo u bunisida o‘zini yana tiklab oldi. Fransiya chempionatining o‘zida argentinalik afsona 15 ta assist va 15 ta golga mualliflik qildi. Hozirda "PSJ" navbatdagi chempionlik tomon ketmoqda. Mavsum oxirida parijliklar Liga 1 da zafar quchsa, Bu Messi faoliyatidagi 12 yirik titul bo‘ladi.

Messini ko‘plab futbol muxlislari dunyodagi eng yaxshi pleymeyker deb biladi. Ammo bu nom uchun boshqa nomzodlar ham bor. Masalan, Kevin De Bryuyne Messi bilan bu kurashda kuch sinasha oladi. "Manchester Siti" yulduzi joriy mavsumda o‘ta kuchli harakat qilmoqda. U o‘z klubiga ilk treblni yutishda katta yordam berishi mumkin. Belgiya terma jamoasi sardori haqida Gvardiola shunday degan edi:
"Kevin ‐ o‘ziga xos futbolchi. Bugungi o‘yinda raqibdan kuchli pressing kutgandik. Bosim bo‘lganida uzoqqa to‘p oshirish kerak bo‘ladi. To‘pni Kevin bilan olib qo‘yib, Erlingga oshiramiz. Bu ikkisi raqiblar darvozasiga katta xavf sola oladi".
De Bryuyne "Arsenal" bilan har ikki davrada gol va assistga mualliflik qilgan edi. Quyida Messi va De Bryuynening natijalariga batafsilroq to‘xtalamiz.

Kevin De Bryuyne

APLda
O‘yinlar: 29 ta
Gollar: 7 ta
Assistlar: 16 ta
Har bir o‘yinda o‘rtacha gol: 0.24
Har bir o‘yinda o‘rtacha assist: 0.55
Gollarda ishtirok etish: 0.79
Har bir o‘yinda zarba berish: 2.2

YECHLda
O‘yinlar: 7 ta
Gollar: 1 ta
Assistlar: 4 ta
Har bir o‘yinda o‘rtacha gol: 0.14
Har bir o‘yinda o‘rtacha assist: 0.57
Gollarda ishtirok etish: 0.71
Har bir o‘yinda zarba berish: 3.3

Lionel Messi

Liga 1'da
O‘yinlar: 27 ta
Gollar: 15 ta
Assistlar: 15 ta
Har bir o‘yinda o‘rtacha gol: 0.55
Har bir o‘yinda o‘rtacha assist: 0.55
Gollarda ishtirok etish: 1.11
Har bir o‘yinda zarba berish: 4.1

YECHLda
O‘yinlar: 7 ta
Gollar: 4 ta
Assistlar: 4 ta
Har bir o‘yinda o‘rtacha zarba: 1.6 ta
Imkoniyatlar yaratish: 2.6 ta
Dribling: 0.9 ta.

ISMATOV J.