"Barselona" yozgi transfer oynasi ochilgandan so‘ng bir qator futbolchilari bilan xayrlashishni rejalashtirmoqda.
Kataloniya klubi og‘ir moliyaviy vaziyatdan chiqish uchun biroz yuqori narxlarda sotishni amalga oshirishi va maoshlarni qisqartirishi kerak. Shundagina "ko‘k-anorranglilar"ning Lionel Messini qaytarish imkoniyati yanada oshadi.
Sport xabariga ko‘ra, "Barselona" yozgi transfer oynasida Jordi Alba, Ferran Torres, Frank Kessie va Ansu Fatini sotishga tayyor. Rafinya Dias va Erik Garsiya bo‘yicha takliflar, agar mavjud bo‘lsa, rahbariyat ko‘rib chiqadi.
