"Tottenxem" hujumchisi Risharlison Angliya Premyer-ligasida uzoq davom etgan golsiz seriyasini yakunladi.

Braziliyalik futbolchi bugungi uchrashuvning 93-daqiqasida “Liverpul” darvozasini ishg‘ol qilib, hisobni 3:3 ko‘rinishiga keltirdi (“Tottenxem” uchrashuv davomida 0:3 hisobida mag‘lub bo‘layotgan edi). Risharlisonning goli uning Premyer-ligadagi "shporlar" uchun birinchi goli bo‘ldi. Opta xabariga ko‘ra, hujumchi Premyer-ligada ketma-ket 22 uchrashuvdan beri gol ura olmay kelayotgandi va uning so‘nggi aniq zarbasi o‘tgan yilning mayiga to‘g‘ri kelgan - o‘shanda futbolchi "Everton" tarkibida o‘ynagan.

"Tottenxem"ni xafa qilgan voqea Risharlisonning goli ularga ochko keltirmagani bo‘ldi, chunki "Liverpul" yakunda 4:3 hisobida g‘alaba qozondi.