"Тоттенхэм" ҳужумчиси Ришарлисон Англия Премьер-лигасида узоқ давом этган голсиз сериясини якунлади.
Бразилиялик футболчи бугунги учрашувнинг 93-дақиқасида “Ливерпуль” дарвозасини ишғол қилиб, ҳисобни 3:3 кўринишига келтирди (“Тоттенхэм” учрашув давомида 0:3 ҳисобида мағлуб бўлаётган эди). Ришарлисоннинг голи унинг Премьер-лигадаги "шпорлар" учун биринчи голи бўлди. Opta хабарига кўра, ҳужумчи Премьер-лигада кетма-кет 22 учрашувдан бери гол ура олмай келаётганди ва унинг сўнгги аниқ зарбаси ўтган йилнинг майига тўғри келган - ўшанда футболчи "Эвертон" таркибида ўйнаган.
"Тоттенхэм"ни хафа қилган воқеа Ришарлисоннинг голи уларга очко келтирмагани бўлди, чунки "Ливерпуль" якунда 4:3 ҳисобида ғалаба қозонди.
