"Barselona" Lionel Messining qaytishi ustida ishlashda davom etmoqda.

Kataloniya klubi allaqachon La Liga rahbariyatiga argentinalik yulduzni yozda ro‘yxatdan o‘tkazish rejasini taqdim etgan, mish-mishlarga ko‘ra, bu reja tasdiqlanmagan. Jurnalist Toni Xuanmartining so‘zlariga ko‘ra esa, La Ligadan “Barselona”ning yuqorida tilga olingan rejasi bo‘yicha hech qanday salbiy fikr bildirilmagan. "Ko‘k-anorranglilar" xo‘jayinlari hali ham bitimni amalga oshirish uchun bir qator operasiyalarni bajarishlari kerak, ammo bu talablar boshidan ma’lum.

Lionel Messining "PSJ" bilan shartnomasi shu yilning iyuniga qadar amal qiladi. Ma’lum bo‘lishicha, 35 yoshli futbolchiga Saudiya Arabistoni chempionati vakillari ham qiziqish bildirmoqda.