"Барселона" Лионель Мессининг қайтиши устида ишлашда давом этмоқда.
Каталония клуби аллақачон Ла Лига раҳбариятига аргентиналик юлдузни ёзда рўйхатдан ўтказиш режасини тақдим этган, миш-мишларга кўра, бу режа тасдиқланмаган. Журналист Тони Хуанмартининг сўзларига кўра эса, Ла Лигадан “Барселона”нинг юқорида тилга олинган режаси бўйича ҳеч қандай салбий фикр билдирилмаган. "Кўк-анорранглилар" хўжайинлари ҳали ҳам битимни амалга ошириш учун бир қатор операцияларни бажаришлари керак, аммо бу талаблар бошидан маълум.
Лионель Мессининг "ПСЖ" билан шартномаси шу йилнинг июнига қадар амал қилади. Маълум бўлишича, 35 ёшли футболчига Саудия Арабистони чемпионати вакиллари ҳам қизиқиш билдирмоқда.
