“Neftchi” hamda "Andijon” ishtirokidagi nazorat uchrashuvidan (3:1) keyin farg‘onaliklar bosh murabbiyi Vitaliy Levchenko o‘z fikrlari bilan o‘rtoqlashdi.

"Ikki tomon uchun juda foydali o‘yin bo‘ldi, deb o‘ylayman. Uchrashuv davomida ko‘plab hujumlar va tezkor harakatlar bo‘ldi. "Andijon" — yaxshi jamoa.  

Chempionatimizda biroz tanaffus bo‘lgandi va bundan foydalanib o‘rtoqlik o‘yinini tashkil qildik. Bu uchrashuvda futbolchilarni yana nimalarga qodirligini, ularning holatini nazorat qilishga imkoniyat tug‘ildi. O‘ylaymanki, uchrashuvdan o‘zimiz uchun yaxshigina xulosa chiqardik.

Albatta, o‘yindan qoniqdim. O‘yinchilarimizning holatini yanada yaxshiroq tekshirib oldim", - deydi Levchenko.