“Нефтчи” ҳамда "Андижон” иштирокидаги назорат учрашувидан (3:1) кейин фарғоналиклар бош мураббийи Виталий Левченко ўз фикрлари билан ўртоқлашди.

"Икки томон учун жуда фойдали ўйин бўлди, деб ўйлайман. Учрашув давомида кўплаб ҳужумлар ва тезкор ҳаракатлар бўлди. "Андижон" — яхши жамоа.  

Чемпионатимизда бироз танаффус бўлганди ва бундан фойдаланиб ўртоқлик ўйинини ташкил қилдик. Бу учрашувда футболчиларни яна нималарга қодирлигини, уларнинг ҳолатини назорат қилишга имконият туғилди. Ўйлайманки, учрашувдан ўзимиз учун яхшигина хулоса чиқардик.

Албатта, ўйиндан қониқдим. Ўйинчиларимизнинг ҳолатини янада яхшироқ текшириб олдим", - дейди Левченко.