Toshkent shahrida 27 apreldan 30 aprelga qadar o‘tkazilgan Yengil atletika bo‘yicha yoshlar (U18) o‘rtasida V-Osiyo chempionati yakunlandi.

O‘zbekiston umumjamoa hisobida Xitoy, Hindiston va Qozog‘istondan keyin to‘rtinchi o‘rinni egalladi va 12 ta medal – 3 ta oltin, 3 ta kumush va 6 ta bronza medalini qo‘lga kiritdi.

Chempionat doirasida 40 turdagi dasturlar bo‘yicha 41 ta sovrinlar to‘plami o‘ynaldi. Katta farq bilan birinchi o‘rinni Xitoy terma jamoasi egalladi – 15 ta oltin, 7 ta kumush va 2 ta bronza, Hindiston jamoasi ikkinchi o‘rinda – 6 ta oltin, 11 ta kumush va 7 ta bronza hamda Qozog‘iston 3 ta oltin, 6 ta kumush va 5 ta bronza medal bilan uchinchi o‘rinni band etdi.

Bizning yengil atletikachimiz Sharifa Davronova uch hatlab sakrashda 13,99 m natija bilan yangi musobaqa rekordini o‘rnatib, uzunlikka sakrashda 6.22 m natija bilan kumush medalni qo‘lga kiritdi.

Balandlikka sakrash bo‘yicha O‘zbekiston o‘smirlar terma jamoasi sportchisi Devdavs Ismoilov O‘zbekistonning yangi nomiga aylandi, u birinchi urinishda 2,06 m balandlikni zabt etib, 5 sm ustunlik bilan asosiy raqiblari shri-lankalik Nilipul Pexesar, janubiy koreyalik Kim Hyon Sik va vetnamlik Do Hoang Ngiani ortda qoldirdi.