Fransiya terma jamoasi va Frankfurtning «Ayntraxt» klubi hujumchisi Randal Kolo-Muani «Bavariya» futbolchisiga aylanishi mumkin.

Nemis grandi rahbariyati allaqachon 24 yoshli futbolchining vakillari bilan bog‘langan. Hujumchi uchun bahsda «Bavariya»ning asosiy raqobatchisi «Manchester Yunayted» hisoblanadi.

Transfermarkt Kolo Muanini 65 million yevroga baholagan. Fransiyalik futbolchi joriy mavsumda «Ayntraxt» safida 40 ta o‘yinda maydonga tushib, 20 ta gol urdi va 14 ta golli uzatmaga mualliflik qilgan.