"Everton" darvozaboni Jordan Pikford "Lester"ga (2:2) qarshi o‘yindan so‘ng o‘z fikrlari bilan o‘rtoqlashdi.
“Tulkilar” birinchi bo‘lim oxirida 3:1 hisobida oldinga chiqib olishlari mumkin edi, biroq Pikford Jeyms Meddisonning penalti zarbasini qaytarib qoldi.
“Ikkala jamoa ham ligada qolish uchun kurashmoqda va maydonda asabiylik bor edi. Muxlislar uchun bu qiziqarli shou bo‘ldi. Qo‘lga kiritilgan bir ochko yo‘qdan afzal, ammo biz hali ham quyi uchlikda ekanligimizni bilamiz. Siz qattiq ishlashda davom etishingiz kerak.
Qaytarilgan penalti mening uy vazifam. Ertalab ham zarba qaysi tomonga tepilishini bilardim. Meddison ajoyib o‘yinchi, lekin men uni "o‘qiy oldim", - dedi Pikford.
