"Эвертон" дарвозабони Жордан Пикфорд "Лестер"га (2:2) қарши ўйиндан сўнг ўз фикрлари билан ўртоқлашди.
“Тулкилар” биринчи бўлим охирида 3:1 ҳисобида олдинга чиқиб олишлари мумкин эди, бироқ Пикфорд Жеймс Меддисоннинг пенальти зарбасини қайтариб қолди.
“Иккала жамоа ҳам лигада қолиш учун курашмоқда ва майдонда асабийлик бор эди. Мухлислар учун бу қизиқарли шоу бўлди. Қўлга киритилган бир очко йўқдан афзал, аммо биз ҳали ҳам қуйи учликда эканлигимизни биламиз. Сиз қаттиқ ишлашда давом этишингиз керак.
Қайтарилган пенальти менинг уй вазифам. Эрталаб ҳам зарба қайси томонга тепилишини билардим. Меддисон ажойиб ўйинчи, лекин мен уни "ўқий олдим", - деди Пикфорд.
