Portugaliya terma jamoasi bosh murabbiyi Roberto Martines Krishtianu Ronalduning terma jamoa uchun ahamiyati haqida o‘z fikrlari bilan o‘rtoqlashdi.

"Krishtianu Ronaldu muhim futbolchi va kiyinish xonasidagi alohida shaxs. U asosiy pozisiyada o‘ynaydi va uchrashuv natijasini hal qila oladigan hujumchi.

Ronaldu o‘ziga xos tajribaga ega futbolchi. Undan tashqari terma jamoa safida 198 ta o‘yin o‘tkazgan futbolchilar yo‘q. Biz uchun bu juda muhim. Bunday tajribaga ega futbolchi uchun murabbiylik qarori kerak emas, deb o‘ylayman.

Hamma narsani futbol hal qiladi. Men jamoa manfaati uchun qarorlar qabul qilaman, lekin yakunda hammasini futbol hal qiladi. Menimcha, Krishtianu mart oyidagi o‘yinlarda juda ijobiy va muhim rol o‘ynadi, shuning uchun o‘yinga ham xuddi shunday yondashuv bilan ishlashda davom etish kerak", - dedi Martines.

Yevro-2024 saralashining dastlabki ikki o‘yinida "An-Nasr" hujumchisi to‘rtta gol urdi - Lixtenshteyn va Lyuksemburg darvozalariga ikkitadan.