Португалия терма жамоаси бош мураббийи Роберто Мартинес Криштиану Роналдунинг терма жамоа учун аҳамияти ҳақида ўз фикрлари билан ўртоқлашди.
"Криштиану Роналду муҳим футболчи ва кийиниш хонасидаги алоҳида шахс. У асосий позицияда ўйнайди ва учрашув натижасини ҳал қила оладиган ҳужумчи.
Роналду ўзига хос тажрибага эга футболчи. Ундан ташқари терма жамоа сафида 198 та ўйин ўтказган футболчилар йўқ. Биз учун бу жуда муҳим. Бундай тажрибага эга футболчи учун мураббийлик қарори керак эмас, деб ўйлайман.
Ҳамма нарсани футбол ҳал қилади. Мен жамоа манфаати учун қарорлар қабул қиламан, лекин якунда ҳаммасини футбол ҳал қилади. Менимча, Криштиану март ойидаги ўйинларда жуда ижобий ва муҳим роль ўйнади, шунинг учун ўйинга ҳам худди шундай ёндашув билан ишлашда давом этиш керак", - деди Мартинес.
Евро-2024 саралашининг дастлабки икки ўйинида "Ан-Наср" ҳужумчиси тўртта гол урди - Лихтенштейн ва Люксембург дарвозаларига иккитадан.