Toshkentda start olgan boks bo‘yicha erkaklar o‘rtasidagi jahon chempionatida ikkinchi kun janglari o‘tkazilmoqda. 86 kg. vazn toifasidagi hamyurtimiz Shohjahon Abdullayev hozirgina o‘zining ilk jangini qirg‘izistonlik Erkin Adilbek o‘g‘liga qarshi o‘tkazdi.

Raqib qo‘llarining uzunligi evaziga birinchi raqam ostida ishlagan bo‘lsa, hamyurtimiz ikkinchi raqamda harakat qilib, asosiy e’tiborini kuchli zarbalarga qaratdi. Shohajahonning bu taktikasi o‘zini oqladi.

U har uchala raundda raqibini qiyin ahvolga sola oldi va ishonchli g‘alabaga erishdi — 5:0.

Bugun yana bir o‘zbek bokschisi o‘z jangini o‘tkazadi:

-80 kg: Jasurbek Yo‘ldoshev - Y.Nemouchi (Jazoir) (21:00dan so‘ng).