Тошкентда старт олган бокс бўйича эркаклар ўртасидаги жаҳон чемпионатида иккинчи кун жанглари ўтказилмоқда. 86 кг. вазн тоифасидаги ҳамюртимиз Шоҳжаҳон Абдуллаев ҳозиргина ўзининг илк жангини қирғизистонлик Эркин Адилбек ўғлига қарши ўтказди.

Рақиб қўлларининг узунлиги эвазига биринчи рақам остида ишлаган бўлса, ҳамюртимиз иккинчи рақамда ҳаракат қилиб, асосий эътиборини кучли зарбаларга қаратди. Шоҳажаҳоннинг бу тактикаси ўзини оқлади.

У ҳар учала раундда рақибини қийин аҳволга сола олди ва ишончли ғалабага эришди — 5:0.

Бугун яна бир ўзбек боксчиси ўз жангини ўтказади:

-80 кг: Жасурбек Йўлдошев - Й.Немоучи (Жазоир) (21:00дан сўнг).