"Barselona" tarkibni kuchaytirish imkoniyatlari ustida ishlamoqda. Fichajes nashri xabariga ko‘ra, Kataloniya klubi yozda yarim himoyachi sotib olishga urinib ko‘rishi mumkin. "Ko‘k-anorranglilar" hozirda Denis Zakariyaga qiziqib qolgan. Shveysariyalik futbolchi "Yuventus"ga tegishli, ammo hozirda "Chelsi"da ijara asosida o‘ynamoqda. Shu bilan birga, londonliklar futbolchi sotib olish variantidan foydalanishi dargumon.
26 yoshli Zakariya Transfermarkt portali mutaxassislari tomonidan 20 million yevroga baholangan. 2022/2023 yilgi mavsumda shveysariyalik futbolchi “Yuventus” va “Chelsi” safida 13 ta o‘yin o‘tkazib, bittadan gol urgan.
“Barselona” ayni damda La Ligada ishonchli peshqadamlik qilmoqda.
