"Барселона" таркибни кучайтириш имкониятлари устида ишламоқда. Fichajes нашри хабарига кўра, Каталония клуби ёзда ярим ҳимоячи сотиб олишга уриниб кўриши мумкин. "Кўк-анорранглилар" ҳозирда Денис Закарияга қизиқиб қолган. Швейцариялик футболчи "Ювентус"га тегишли, аммо ҳозирда "Челси"да ижара асосида ўйнамоқда. Шу билан бирга, лондонликлар футболчи сотиб олиш вариантидан фойдаланиши даргумон.
26 ёшли Закария Transfermarkt портали мутахассислари томонидан 20 миллион еврога баҳоланган. 2022/2023 йилги мавсумда швейцариялик футболчи “Ювентус” ва “Челси” сафида 13 та ўйин ўтказиб, биттадан гол урган.
“Барселона” айни дамда Ла Лигада ишончли пешқадамлик қилмоқда.
