Italiya chempionatining so‘nggi o‘yinida Lautaro Martinesning "Lasio" darvozasiga kiritgan ikkita goli "Inter"ga 3:1 hisobida g‘alaba qozonish imkonini berdi. Bu gollar argentinalik forvard uchun ligadagi 74 va 75-to‘p bo‘ldi.
Argentinalik hujumchi "Inter"ning A seriyadagi eng yaxshi to‘purarlari o‘ntaligiga kiradi - hozircha u "Inter"da 1957 yildan 1973 yilgacha o‘ynagan yarim himoyachi Mario Korso bilan o‘ninchi o‘rinni egallab turibdi. Ammo yaqin orada Lautaro ushbu ro‘yxatda yanada balandroq ko‘tarila boshlashiga shubha yo‘q.
Chempionatning navbatdagi turida “Inter” “Verona” bilan kuch sinashadi.
