Италия чемпионатининг сўнгги ўйинида Лаутаро Мартинеснинг "Лацио" дарвозасига киритган иккита голи "Интер"га 3:1 ҳисобида ғалаба қозониш имконини берди. Бу голлар аргентиналик форвард учун лигадаги 74 ва 75-тўп бўлди.

Аргентиналик ҳужумчи "Интер"нинг А сериядаги энг яхши тўпурарлари ўнталигига киради - ҳозирча у "Интер"да 1957 йилдан 1973 йилгача ўйнаган ярим ҳимоячи Марио Корсо билан ўнинчи ўринни эгаллаб турибди. Аммо яқин орада Лаутаро ушбу рўйхатда янада баландроқ кўтарила бошлашига шубҳа йўқ.

Чемпионатнинг навбатдаги турида “Интер” “Верона” билан куч синашади.