"Chelsi"ning ispaniyalik himoyachisi Sezar Aspilikueta jurnalistlar bilan suhbatda London klubining uzoq davom etgan omadsiz seriyasi haqida gapirdi.

Aspilikuetaning aytishicha, hozir jamoadagi barchaning so‘nggi natijalardan hafsalasi pir bo‘lgan, shuning uchun futbolchilar sodir bo‘lgan voqea uchun javobgarlikni o‘z zimmalariga olishlari kerak. Ispaniyalik futbolchining ta’kidlashicha, "ko‘klar" hozirgi holatda bo‘lishni kutmagandi.

"Bu "Chelsi"ga kelganimdan beri eng yomon o‘yin. Biz bu daqiqalarni boshdan kechirishimiz va hamma narsani o‘zgartirishimiz kerak", - deya qo‘shimcha qildi Aspilikueta.

Eslatib o‘tamiz, Frank Lempard qo‘l ostida "Chelsi" futbolchilari ketma-ket olti uchrashuvda mag‘lub bo‘lishdi. Ayni damda "ko‘klar" APL turnir jadvalida atigi 12-o‘rinni egallab turibdi.