"Barselona" mavsum yakunida chap qanot himoyachisi Jordi Albadan maoshini kamaytirishni so‘raydi. Jurnalist Xavi Migelning xabar berishicha, klub va futbolchi o‘rtasidagi uchrashuv yozda bo‘lib o‘tadi.
Alba ayni damda "Barselona"ning maoshi bo‘yicha hujumchi Robert Levandovski bilan uchinchi o‘rinni egallab turibdi. Jordining kelasi mavsum oxirigacha shartnomasi bor. Hozircha himoyachi maoshini kamaytirishdan bosh tortgan.
Avvalroq, agar futbolchi moliyaviy shartlarini kamaytirishga rozi bo‘lmasa, "Barselona" Albadan qutulishga harakat qilishi xabar qilingandi. O‘tgan yozda "Inter" qanot himoyachisini sotib olmoqchi edi.
