Italiya chempionatining 33-turidan o‘rin olgan «Lechche»ga qarshi o‘yinda (2:1) serbiyalik hujumchi Dushan Vlaxovich gol urdi.
Statistik ma’lumotlarga ko‘ra, u 21-asrda tug‘ilgan va 60 ta gollik dovondan o‘tgan ikkinchi futbolchiga aylandi. Natijalar Yevropaning kuchli 5 ligasiga ko‘ra olingan, deya xabar beradi A Seriya matbuot xizmati. Bu natijaga ilk bor «Manchester Siti» hujumchisi Erling Xoland erishgan.
Vlaxovich Italiya chempionatida 2018/2019 yilgi mavsumdan boshlab o‘ynaydi. U Belgradning «Partizan» klubidan «Fiorentina»ga o‘tgan edi. Hujumchi 2022 yilning yanvarida «Yuventus»ga o‘tgan. «Binafsharanglar» safida Vlaxovich 98 o‘yinda 44 ta, «keksa sinyora» safida esa 39 ta o‘yinda 16 ta gol urgan.
22 yoshli Xoland «Borussiya Dortmund» safida 67 ta o‘yinda 62 ta gol va «Manchester Siti» safida Premyer-liganing 30 ta o‘yinida 34 ta gol urgan.
