Shu kunlarda Germaniya Olimpiya sport konfederasiyasi qoshidagi tibbiy ekspertlar qo‘mitasi rahbari Kristian Shnayder va yirik kompleks musobaqalarni o‘tkazish bo‘yicha ulkan tajribaga ega ekspert, menejer Vadim Axmadiyev poytaxtimizda bo‘lib turishibdi.
Tashrifdan ko‘zlangan maqsad 2025 yil Toshkentda o‘tadigan yoshlar Osiyo va Paraosiyo o‘yinlariga puxta tayyorgarlik ko‘rish hamda uni o‘tkazishda O‘zbekiston tomoni bilan hamkorlik masalalarini ko‘rib chiqishdir.
Shu maqsadda Yoshlar siyosati va sport vaziri Adham Ikramov ekspertlar bilan uchrashuv o‘tkazdi. Unda MOQ Bosh kotibi Oybek Kasimov, Qo‘mita raisi o‘rinbosari Azizjon Kamilov ham ishtirok etishdi.
