"Barselona" vingeri Ferran Torres "Aston Villa"ga o‘tishi mumkin.

Marca xabariga ko‘ra, ingliz klubi hujum chizig‘ini kuchaytirish niyatida. Ular Torres va "Yuventus" hujumchisi Dushan Vlaxovichga qiziqish bildirmoqda. Bu futbolchilar uchun birmingemliklar jami 100 million yevrodan ko‘proq pul to‘lashga tayyor.

"Barselona" sport direktori Mateu Alemani joriy mavsumdan keyin "Aston Villa"ga o‘tishi haqida xabarlar tarqalgan edi. Qayd etilishicha, Alemani ham, Birmingem jamoasi bosh murabbiyi Unai Emeri ham Torresni juda iqtidorli futbolchi deb bilishadi va uning "Aston Villa"da yuqori saviyadagi futbol namoyish eta olishiga ishonishadi.

Taxminlarga ko‘ra, "Villa" Ferran uchun "Manchester Siti"dan transfer qilinganida "Barsa" unga to‘lagan pulga teng miqdorda to‘lashga tayyor. Britaniyaliklar 55 million yevro taklif qilishga tayyor, bu miqdor bonuslar bilan birga 65 million yevrogacha o‘sishi mumkin.

Biroq futbolchining o‘zi "blaugrana"ni tark etishni istamayapti va Xaviga Ispaniya jamoasida kelajagi borligini isbotlamoqchi. Biroq, "Barselona" moliyaviy feyr-pley qoidalariga rioya qilish uchun yozgi transfer oynasida ba’zi o‘yinchilarni sotishi kerak.

Torres joriy mavsum La Ligada 29 ta o‘yinda maydonga tushib, 4 ta gol va 1 ta golli uzatmani amalga oshirdi.