Italiya chempionatidagi g‘alaba ko‘pchilik "Napoli" futbolchilari uchun Yevropaning top-5 ligasining birinchi kubogi bo‘ldi.

Bungacha Luchano Spalletti jamoasidan bor-yo‘g‘i 6 nafar futbolchi chempion bo‘lgan: Irving Losano, Kim Min Chje, Stanislav Lobotka, Amir Rraxmani, Bartosh Bereshinski va Matias Olivera.

4 may, payshanba kuni “Napoli” “Udineze” bilan durang o‘ynadi (1:1) va chempionat tugashiga 5 tur qolganda, A Seriyada g‘alabani kafolatladi. Bu klub tarixidagi uchinchi skudetto bo‘ldi. Dastlabki ikkitasi o‘tgan asrda – 1986/87 va 1989/90 yilgi mavsumlarda qo‘lga kiritilgan.