"PSJ" yozgi transfer oynasida braziliyalik hujumchi Neymar bilan xayrlashishga qaror qildi.
Lequipe nashri xabariga ko‘ra, parijliklar rahbariyati futbolchini o‘zida saqlab qolmaydi. Forvardning kelajagi uning agenti Pini Zaxavi va klub prezidenti Nosir Al-Xelayfiy tomonidan hal qilindi.
Parijliklar Neymarni keyinroq sotib olish huquqi bilan ijaraga berishga tayyor. Hujumchida faoliyatini Angliya va Saudiya Arabistonida davom ettirish imkoniyatlari bor.
Neymar 2017 yildan beri "PSJ"da o‘ynab kelmoqda. Tomonlar o‘rtasidagi amaldagi shartnoma 2025 yilda yakuniga yetadi. Uning transfer narxi 70 million yevroga baholanmoqda.