"Manchester Siti"ning sobiq yarim himoyachisi, hozirda "Sautgempton"da to‘p surayotgan Romeo Lavia Angliya Premyer-ligasining boshqa klubiga o‘tishga yaqin turibdi.
Football Insider nashri xabariga ko‘ra, futbolchining xizmatlariga Londonning "Chelsi" klubi qiziqish bildirmoqda.
“Ko‘klar” rahbariyati Romeoning transferi uchun 51 million yevroga yaqin mablag‘ ajratishga tayyor. Belgiyalik futbolchining klubi bilan amaldagi shartnomasi 2027 yilning o‘rtalariga qadar tuzilgan.
Shu bilan birga, "Manchester Siti" kelasi yozda futbolchini qaytarib sotib olishi mumkin. Ushbu band tomonlar o‘rtasidagi shartnomada yozilgan.
Lavia “Sautgempton”ga 2022 yilning yozida kelib qo‘shilgan edi.