"Манчестер Сити"нинг собиқ ярим ҳимоячиси, ҳозирда "Саутгемптон"да тўп сураётган Ромео Лавиа Англия Премьер-лигасининг бошқа клубига ўтишга яқин турибди.
Football Insider нашри хабарига кўра, футболчининг хизматларига Лондоннинг "Челси" клуби қизиқиш билдирмоқда.
“Кўклар” раҳбарияти Ромеонинг трансфери учун 51 миллион еврога яқин маблағ ажратишга тайёр. Бельгиялик футболчининг клуби билан амалдаги шартномаси 2027 йилнинг ўрталарига қадар тузилган.
Шу билан бирга, "Манчестер Сити" келаси ёзда футболчини қайтариб сотиб олиши мумкин. Ушбу банд томонлар ўртасидаги шартномада ёзилган.
Лавиа “Саутгемптон”га 2022 йилнинг ёзида келиб қўшилган эди.
