"Arsenal"ning sobiq himoyachisi, hozirda Ispaniyaning "Levante" jamoasida o‘ynayotgan Shkodran Mustafi London jamoasining joriy mavsumdagi natijalari haqida o‘z fikrlari bilan o‘rtoqlashdi.
Eslatib o‘tamiz, APLning 34-turidan keyin "kanonirlar" 78 ochko bilan turnir jadvalida ikkinchi o‘rinda bormoqda. “Arsenal” peshqadam “Manchester Siti”dan bir ochkoga ortda qolmoqda, “shaharliklar”ning hisobida bitta zaxira o‘yini bor.
Mustafining so‘zlariga ko‘ra, “Arsenal” navbatdagi Chempionlar ligasi yo‘llanmasini qo‘lga kiritishga muvaffaq bo‘lib, chempionlikni qo‘lga kiritgan bilan teng.
"Arsen Venger jamoani tark etganidan beri "Arsenal" Chempionlar ligasida o‘ynamadi. Albatta, ular shunday mavsumdan keyin chempionlikni qo‘lga kiritishni xohlashadi. Ammo klub bir marta APLda g‘olib chiqishi emas, bir necha yil davomida yuqori pog‘onalarda qolishi kerak", - dedi Mustafi Sky Sport Germany bilan suhbatda.
"Arsenal" navbatdagi o‘yinini 7 may kuni "Nyukasl"ga qarshi o‘tkazadi. Ushbu uchrashuvning boshlanishi Toshkent vaqti bilan 20:30 ga belgilangan.
