Ispaniyaning “Vilyarreal” klubi himoyachisi Pau Torres faoliyatini Italiya chempionatida davom ettirish imkoniyatiga ega. Bu haqda insayder Fabrisio Romano ijtimoiy tarmoqlar orqali ma’lum qildi.

Turinning "Yuventus" klubi 26 yoshli futbolchini o‘z safiga qo‘shib olmoqchi. “Keksa sinyora” boshliqlari yozgi transfer oynasida Torresning transferini tashkil qilmoqchi. Tomonlar allaqachon muzokaralarga kirishgan.

Pau 2018 yilning iyulidan beri "Sariq suv osti kemasi"ning sharafini himoya qilib kelmoqda. Futbolchi va klub o‘rtasidagi amaldagi shartnoma muddati 2023/2024 yilgi mavsum oxirigacha mo‘ljallangan. Torresning transfer narxi 45 million yevroga baholanmoqda.