Испаниянинг “Вильярреал” клуби ҳимоячиси Пау Торрес фаолиятини Италия чемпионатида давом эттириш имкониятига эга. Бу ҳақда инсайдер Фабрицио Романо ижтимоий тармоқлар орқали маълум қилди.

Туриннинг "Ювентус" клуби 26 ёшли футболчини ўз сафига қўшиб олмоқчи. “Кекса синьора” бошлиқлари ёзги трансфер ойнасида Торреснинг трансферини ташкил қилмоқчи. Томонлар аллақачон музокараларга киришган.

Пау 2018 йилнинг июлидан бери "Сариқ сув ости кемаси"нинг шарафини ҳимоя қилиб келмоқда. Футболчи ва клуб ўртасидаги амалдаги шартнома муддати 2023/2024 йилги мавсум охиригача мўлжалланган. Торреснинг трансфер нархи 45 миллион еврога баҳоланмоқда.