Londonning "Fulxem" klubi darvozabon Bernd Leno uchun "Arsenal"ga 2,3 million yevro miqdorida bonuslar to‘lashi shart. Bunga "Fulxem" APLda jon saqlab qolgani sabab bo‘ldi. Bu haqda jurnalist Nizar Kinsella o‘zining ijtimoiy tarmoqlarida e’lon qildi.

Eslatib o‘tamiz, 31 yoshli Leno joriy mavsum boshlanishidan oldin 3,6 million yevro evaziga "Fulxem"ga o‘tgandi. Berndning o‘zi ketishni talab qildi, chunki u Aaron Ramsdeyl o‘rniga o‘rinbosar rolini o‘ynab, zaxira o‘rindig‘iga o‘tirishdan bosh tortdi.

Leno bu mavsumda "Fulxem"ning asosiy darvozaboni bo‘ldi va jamoaga nafaqat Premyer-ligada qolishga yordam berdi, balki yuqori o‘rinlarda mustahkam o‘rin olishiga ham yordam bera oldi. Hozirda "Fulxem" chempionatda o‘ninchi o‘rinda bormoqda.