«Brayton» Joau Pedro Jezus uchun rekord darajadagi 30 million funt to‘laydi.

Angliya klubi ushbu mavsumda «Uotford»ning eng yaxshi to‘purari bo‘lgan 21 yoshli braziliyalik hujumchi bilan shartnoma imzolaganini rasman tasdiqladi.

Futbolchi bilan shartnoma 2028 yilning iyunigacha imzolangan.

Jurnalist Fabrisio Romanoning so‘zlariga ko‘ra, «Brayton» «Uotford»ga klub rekordi - 30 million funt to‘laydi.

Joau Pedro joriy mavsum chempionatning 35 ta o‘yinida 11 ta gol urdi va 4 ta golli uzatmani amalga oshirdi.