«Napoli» hujumchisi Irving Losano A Seriyaning joriy mavsumida jamoasining erta chempionligi haqida gapirdi.
«Men hech qachon bunday ajoyib ziyofatda bo‘lmaganman. Men o‘ynagan hech bir shaharda bunday quvonchni ko‘rmaganman.
Neapol xuddi Meksikaga o‘xshaydi, xuddi shunday baxt bor bu yerda ham», - deya hujumchining so‘zlarini keltiradi klub matbuot xizmati.
Eslatib o‘tamiz, «Napoli» A Seriyaning joriy mavsumi yakunlanishiga besh tur qolganda chempionlikni kafolatlagandi.
Losano joriy mavsumda 31 ta o‘yinda maydonga tushib, 3 ta gol va 3 ta golli uzatmaga mualliflik qilgan.
