«Manchester Siti» bosh murabbiyi Pep Gvardiola jamoa yarim himoya chizig‘ini kuchaytirmoqchi. 

Goal.com portali xabariga ko‘ra, ispaniyalik mutaxassis «Barselona»da to‘p tepayotgan gollandiyalik yarim himoyachi Frenki de Yongni «Tumanli Albion»ga jalb qilmoqchi.

Gvardiola «shaharliklar» mutasaddilarining yaqinlashib kelayotgan transfer oynasida De Yong transferini rasmiylashtira olishini kutmoqda. Transfermarkt ma’lumotlariga ko‘ra Frenki 60 million yevroga baholangan.

Ispaniya chempionatining joriy mavsumida de Yong 28 ta o‘yinda maydonga tushib, 2 ta gol va 2 ta golli uzatmaga mualliflik qilgan.

Uning «Barselona» bilan shartnomasi 2026 yilgacha mo‘ljallangan.