«Манчестер Сити» бош мураббийи Пеп Гвардиола жамоа ярим ҳимоя чизиғини кучайтирмоқчи. 

Goal.com портали хабарига кўра, испаниялик мутахассис «Барселона»да тўп тепаётган голландиялик ярим ҳимоячи Френки де Йонгни «Туманли Албион»га жалб қилмоқчи.

Гвардиола «шаҳарликлар» мутасаддиларининг яқинлашиб келаётган трансфер ойнасида Де Йонг трансферини расмийлаштира олишини кутмоқда. Transfermarkt маълумотларига кўра Френки 60 миллион еврога баҳоланган.

Испания чемпионатининг жорий мавсумида де Йонг 28 та ўйинда майдонга тушиб, 2 та гол ва 2 та голли узатмага муаллифлик қилган.

Унинг «Барселона» билан шартномаси 2026 йилгача мўлжалланган.