Madridning “Real” klubi yarim himoyachisi Federiko Valverde Ispaniya kubogida g‘alaba qozonganidan so‘ng “Manchester Siti”ga qarshi bo‘lib o‘tadigan Chempionlar ligasi o‘yini haqida gapirdi.
6 may kuni Madrid klubi mamlakat kubogi finalida “Osasuna”ni mag‘lub etdi (2:1) va 2014 yildan beri ilk bor ushbu kubok sohibiga aylandi.
Valverde AS nashriga bergan intervyusida jamoaning "Manchester Siti"ga qarshi qanday o‘ynashini bilmasligini aytdi. Futbolchi ayni damda o‘zini juda charchaganini, shu bois bo‘lajak o‘yin qiyin bo‘lishini tan oldi.
9 may, seshanba kuni Chempionlar ligasining 1/2 finali doirasida “Real” va “Manchester Siti” jamoalari o‘rtasidagi ilk uchrashuv bo‘lib o‘tadi. O‘yin Toshkent vaqti bilan 23:59da boshlanishi rejalashtirilgan.
