Bugun 2022/2023 yilgi mavsumda eng kuchli hujum jizig‘i bilan maqtana oladigan top 5 ligalarining boshqa klublarga qaraganda ko‘p gol urgan jamoalarni to‘pladik.

5. “Manchester Yunayted” (Angliya) – 98 ta gol

“Qizil iblislar” hozirda na Premyer-ligada, na yevrokuboklarda chempionlik uchun kurashmayapti. Ammo ular finalda "Man Siti"ni mag‘lub etishsa, Angliya kubogini qo‘lga kiritishlari mumkin. "Manchester Yunayted"ning mavsumdagi eng yaxshi to‘purari 29 ta gol bilan Markus Reshford bo‘lib turibdi.

4. “PSJ” (“Fransiya”) - 107 ta gol

“PSJ” yana Fransiya chempioniga aylanishi mumkin. Ammo asosiy maqsad bo‘lgan Chempionlar ligasidagi g‘alabaga yana erishilmadi. Messi - Mbappe - Neymar uchligi barcha musobaqalarda 73 ta gol (mos ravishda 20, 35 va 18) gol urdi.

3. "Real Madrid" (Ispaniya) - 118 ta gol

"Qaymoqranglilar" faktik tomondan "Barselona"ga La-ligada chempionlik uchun kurashda mag‘lub bo‘ldi, ammo Chempionlar ligasi uchun kurashmoqda. Bu mavsumda Karim Benzema va Vinisius Junior barcha musobaqalarda mos ravishda 29 va 22 ta gol bilan yana a’lo darajada o‘yin ko‘rsatmoqda.

2. "Bavariya" (Germaniya) - 123 ta gol

Myunxenda vaziyat Madridga qaraganda boshqacha: Chempionlar ligasi uchun kurashdan chiqib ketilgan, ammo Bundesligada chempionlik uchun ajoyib imkoniyatlar mavjud. Besh futbolchi birdaniga kamida o‘nta gol urishga muvaffaq bo‘ldi: Chupo-Moting (17), Musiala (15), Gnabri, Sane (ikkalasi ham 13) va Mane (12).

1. “Manchester Siti” (Angliya) – 136 ta gol

Nihoyat, "shaharliklar" bu mavsumda hamma sovrinni yutishi mumkin. Buning uchun birinchi navbatda Norvegiyadan kelgan super to‘purarga rahmat aytishlari kerak bo‘ladi. Erling Xoland bugungi kungacha 51 marta raqiblarni ranjitib ulgurdi.