Бугун 2022/2023 йилги мавсумда энг кучли ҳужум жизиғи билан мақтана оладиган топ 5 лигаларининг бошқа клубларга қараганда кўп гол урган жамоаларни тўпладик.

5. “Манчестер Юнайтед” (Англия) – 98 та гол

“Қизил иблислар” ҳозирда на Премьер-лигада, на еврокубокларда чемпионлик учун курашмаяпти. Аммо улар финалда "Ман Сити"ни мағлуб этишса, Англия кубогини қўлга киритишлари мумкин. "Манчестер Юнайтед"нинг мавсумдаги энг яхши тўпурари 29 та гол билан Маркус Решфорд бўлиб турибди.

4. “ПСЖ” (“Франция”) - 107 та гол

“ПСЖ” яна Франция чемпионига айланиши мумкин. Аммо асосий мақсад бўлган Чемпионлар лигасидаги ғалабага яна эришилмади. Месси - Мбаппе - Неймар учлиги барча мусобақаларда 73 та гол (мос равишда 20, 35 ва 18) гол урди.

3. "Реал Мадрид" (Испания) - 118 та гол

"Қаймоқранглилар" фактик томондан "Барселона"га Ла-лигада чемпионлик учун курашда мағлуб бўлди, аммо Чемпионлар лигаси учун курашмоқда. Бу мавсумда Карим Бензема ва Винисиус Жуниор барча мусобақаларда мос равишда 29 ва 22 та гол билан яна аъло даражада ўйин кўрсатмоқда.

2. "Бавария" (Германия) - 123 та гол

Мюнхенда вазият Мадридга қараганда бошқача: Чемпионлар лигаси учун курашдан чиқиб кетилган, аммо Бундеслигада чемпионлик учун ажойиб имкониятлар мавжуд. Беш футболчи бирданига камида ўнта гол уришга муваффақ бўлди: Чупо-Мотинг (17), Мусиала (15), Гнабри, Сане (иккаласи ҳам 13) ва Мане (12).

1. “Манчестер Сити” (Англия) – 136 та гол

Ниҳоят, "шаҳарликлар" бу мавсумда ҳамма совринни ютиши мумкин. Бунинг учун биринчи навбатда Норвегиядан келган супер тўпурарга раҳмат айтишлари керак бўлади. Эрлинг Холанд бугунги кунгача 51 марта рақибларни ранжитиб улгурди.