O‘zbekiston terma jamoasi safida 75 kg. vaznda yosh bokschi jahon chempionatida debyut qildi. 19 yoshli A’loxon Abdullayev dastlabki saralash bosqichi doirasidagi jangni xitoylik Jao Mengyangga qarshi o‘tkazdi.

Hamyurtimiz o‘zi uchun noqulay raqibga qarshi tajovuzkor uslubda jang olib bordi, u ko‘p kuch sarfladi va yakunda g‘alaba qozondi — 5:0 (30:27, 30:27, 30:27, 30:27, 30:26).

A’loxon keyingi bosqichda serbiyalik Almir Memichga qarshi ringga ko‘tariladi.

7 may kuni yana ikki nafar o‘zbekistonlik bokschi o‘z jangini o‘tkazadi:

-51 kg: Hasanboy Do‘stmatov — Said Mortaji (Marokash), (A ring, 18:40 dan so‘ng)

+92 kg: Bahodir Jalolov — Teremoana Teremoana (Avstraliya), (B ring, 19:55 dan so‘ng).