Dortmundning «Borussiya» klubi bosh murabbiyi Edin Terzich Bundesliganing 31-turi doirasidagi «Volfsburg» ustidan qozonilgan g‘alabadan (6:0) mamnun.
«Biz bahs boshidan oxirigacha mutlaq yuqori o‘yin ko‘rsatdik, nafaqat ko‘plab chiroyli gollar urdik, balki darvozamiz daxlsizligini ham saqlab qoldik.
Yigitlarning jamoaviy futbol o‘ynashini tomosha qilish yoqimli edi. Bunday sharoitda har qanday raqibga qiyin bo‘ladi, ayniqsa o‘z stadionimizda o‘ynaganimizda.
Qolgan uchta o‘yinni ham xuddi shunday istak bilan o‘tkazsak, ularda ham g‘alaba qozonish uchun yaxshi imkoniyatlarga ega bo‘lamiz», - deya Terzichning so‘zlarini keltiradi klub sayti.
31-turdan so‘ng dortmundliklar «Bavariya»dan bir ochko ortda qolib, turnir jadvalida ikkinchi o‘rinda bormoqda.
Dortmundning «Borussiya»si «Gladbax» (uyda), «Augsburg» (safarda) va «Mayns» (uyda) bilan o‘ynashi kerak.
